Cuan se cumplen 14 años en Aragón (II)

Mayor de 14 añosO colechio d’a mía filla demanda que sigamos nusatros qui la matriculemos en os desamens d’anglés ta foranos que organiza a unibersidá d’Oxford. Ye ella qui nos ha dito que quiere fer-ne. “Pues me foi contento, monina” -li digo; e adibo: “te fas tu a matricula, que ya yes mayor”. En o impreso, se beye que o colechio no ha parato cuenta de que una parti d’a escolanalla de 2º d’a E.S.O., como a mía filla, ya abrá cumplito 14 años e que, como aragoneses, no lis cale que sus pais lo faigan. Ixo rai: se cambea e prou… bueno: con una nota ta que en o colechio remeren que, isto ye Aragón, e que as aragonesas e aragoneses tienen reconoxitos dreitos e obligazions zebils diferens. ¡No’n ye pordemás!