Rete Nazional de Fierrocarrils d’Aragón – Orarios d’os trens de redolada de Zaragoza

(Nota: escribí istas ringleras cuan encara no bi eba tarxetas con orarios d’os trens de redolada de Zaragoza pero, poco dimpués, Renfe enzetó á destribuyir-ne. Ye de chustizia dizir-lo.)

 

Zarremos os güellos e soniemos con un Aragón que gubierna e chestiona o suyo rete nazional de fierrocarrils. Bi abrá un día en que toz, debantemos a bista e beigamos ixe suenio feito reyalidá grazias á l’esfuerzo de a chen más embrecata con iste país.

 

Entremistanto tenemos una obligazión: fer serbir o nuestro rete aragonés, mesmo mal chestionato como ye por un gubierno forano ta qui tasamén contamos nomás que como una “leyal” pendiz. Por ixo te consellamos tener-lo en cuenta, cuan carcules os tuyos desplazamientos, como una ozión balera que encá puede estar-lo más si toz/totas autuamos como usuarios/as responsables e desichens.

 

Ta aduyar-te á contar con os nuestros trens de redoladas, e fendo lo que Renfe sí fa en atras ziudaz pero no en Zaragoza, emos quiesto fer una tarxeta d’orarios, acotraziando a tabla agora bichen  ta que la puedas imprentar  e, doplando-la á grandaria chiqueta, la puedas lebar en a pocha, en o bolso, en a cartera e mesmo plastificar-la. Pero lo emos feito con dos lizenzias aragonesistas: (1) traduzindo-la á l’aragonés (soniemos un poquet a nazión multilingüe que semos) e (2) rebaltizando á ra compañía que opera (u aberba d’operar) os fierrocarrils d’Aragón á o serbizio d’os/as aragoneses/as (soniemos una nación que bertebra o suyo territorio).

 

¡Buen biache!

 

Puez descargar-lo-te en iste enrastre

Anuncios

Simbolos nazionals e suplantazión identitaria d’Aragón

O zaguer 20 d’abiento tenió en Zaragoza una esbulligada espezial. Estió lo primer cabo d’año d’a execuzión d’o Chustizia feito baxo lo banderazo d’España plantato por os nazionalistas (españols, profes) en o memorial d’as libertaz aragonesas. Os autos de tota mena que dende a biespra se desarrolloron en a plaza d’Aragón y en a plaza d’o Mercau, tenioron de traza más u menos contenita o siñal d’a reyazión d’una gran parti d’a soziedá aragonesa por lo que ye, sin duda, o enesimo empente asimilador d’o nazionalismo español.20-dabiento-de-2008 Sigue leyendo